Шар мэдээ

13 давхраас унасан охиныг найз залуу нь шидсэн байж болзошгүй гэв

Нийслэлийн Баянзүрх дүүргийн нутаг дэвсгэрт байрлах орон сууцны 13 давхраас 22 настай Ц гэх эмэгтэй унаж, нас барсан харамсалтай хэрэг өнгөрөгч дөрөвдүгээр сарын 9-10-нд шилжих шөнө гарсан. Түүнийг унах үед талийгаач эмэгтэйн найз залуу Б хамт байсан бөгөөд амь хохирогчийн ар гэрийнхэн охиныг нь өндрөөс түлхэж, амь насыг нь хөнөөсөн гэж үзэж байгаа.

Өнгөрсөн долоо хоногийн лхагва гаригт буюу тавдугаар сарын 8-нд талийгаачийн задлан шинжилгээний дүгнэлт гарсан. Энэ дүгнэлтэд үндэслэн талийгаачийг өндрөөс унахад гадны нөлөө байгаагүй боловч түүнийг ийм зүйл хийхэд хүргэсэн дарамт шахалт байсан гэж цагдаагийн байгууллагаас үзсэн юм. Ингээд хүнийг амиа хорлоход хүргэсэн гэх зүйл ангиар сэжигтэн Б-д эрүүгийн хэрэг үүсгэн, Шүүхийн шийдвэр гүйцэтгэх ерөнхий газрын харьяа Урьдчилан хорих 461-р ангид нэг сарын хугацаагаар цагдан хориод байгаа юм.

Тэгвэл зарим эх сурвалжийн мэдээлж буйгаар талийгаачийг газарт унахаасаа өмнө нас барсан гэдгийг задлан шинжилгээгээр тогтоосон гэх ба шалгалтын явцад сэжигтэн Б охины амь насыг хөнөөснийхөө дараа цонхоор шидсэн байж болзошгүй шинэ нөхцөл байдал илэрсэн гэх мэдээлэл байна.

Эх сурвалж: zindaa.mn

 

 

Related Articles

Back to top button
Close